CAGAK - Lembaran Budaya Padang Ekspres - Akhlak,_Etika_Jo_Estetika_Padusi_Minangkabau
PADEK NETWORK : PADANGTV.ID POSMETROPADANG.CO.ID CAGAK.CO
Carito Niniek Reno

Akhlak, Etika Jo Estetika Padusi Minangkabau

Penulis : Puti Reno Raudha Thaib - Ketua Umum Bundo Kanduang Sumbar   

Nampaknyo carito tantangan akhlak, moral jo etika sarato estetika ko manarik dek cucu-cucu Niek Reno tarutamo Aisyah jo Puti sarato Raisyah, sahinggo mareka batigo maansyik Ninieknyo tu untuak manaruihan carito tu sampai ka ujuang-ujuangnyo. Samantaro cucu Niek Reno nan bujang-bujang Fathir, Lingga, Mirzah jo Manar amuah pulo mandanganyo jo alasan maraka tu, kiniko paralu awak laki-laki ko tau jo ukuran sarato acuan nilai padusi nan baik budi jo elok baso tu. Niek galak-galak ketek sajo mancaliek kurenah cucu-cucunyo tu, dalam hatinyo basyukur dek karano cucu-cucunyo lai ingin tau jo nilai-nilai adaik jo agamo Islam.

“Niek, Aisyah ingin tau apo hubung kaiknyo antaro akhlak, moral sarato etika jo estetika tu. Manarik dek Aisyah untuak mamngatahuinyo, sabab sangaik paralu sabagai padoman iduik dalam basikap jo baitindak dalam satiok langkah kahidupan. Apolai kok lai disampaikan Allah SWT Aisyah pai manyambuang sakolah ka lua dari kampuang jo nagari awakko”. Aisyah manjalehan ka Niniek Reno alasan inyo ingin bana baraja labiah banyak tantangan ajaran akhlak jo budi pekerti. Apo nan dikecekan Aisyah di iyoan dek Puti jo Raisyah.

“Alhamdulillah, kalian lai maraso paralu mangatahui jo mamahami nilai-nilai luhur dari ajaran adaik jo agamo awak. Sanang ati Niniek mandanganyo. InsyaAllah awak dapek manaruihan carito, kan liburan kalian lai masih lamo lai”. Niek Reno manjanjian ka cucu-cucunyo tu untuak malanjuikan caritonyo.

Malam sasudah Sumbayang Isya Niek Reno jo cucu-cucunyo lah duduak di anjuang mudiak di hadok an mareka tampak tahidang kue Kambang Loyang jo Kacang Tojin sarato jo Piang Kaliang nan ranum. Sambia manikmati hidangan tu Niek Reno maajak anak-anak tu untuak basiap mandangakan carito Niek Reno.

“Niek, taruih an lai carito awak lai. Aisyah indak saba lai inyo mandasak Niek Reno untuak mulai bacarito.

“Lah awak mulai lai, dangakan elok-elok dek kalian. Untuak mancaliak hubung kaitnyo antaro akhlak, moral sarato etika jo estetika atau kaindahan dapek awak liek dari tigo hal:1). Kacantikan, 2). Kaparibadian 3). Panampilan diri.Katigonyo mampunyoi makna jo arati nan indak samo do. Awak caliek ciek-ciek Partamo kacantikan ko manyangkuik kapado bantuak jo rupo atau roman muko sasaorang nan khusus ditujukan kapado urang padusi/parampuan tarutamo nan mudo”. 

“Kalau urang padusi nan lah tuo bantuak Niniek ko baa Niek”. Puti batanyo ka Ninieknyo.

“Lawak Puti ko mah, masak urang gaek dikecekan juo cantik indak pas lah nyo lai”. Lingga jo Fathir manyolang Puti.

“Batua tu nan dikatoan Lingga jo Fathir padusi tuo sarupo Niniek ko walaupun inyo rancak sakalipun  tantu wakatu mudonyo, indak dapek dikatoan cantik lai. Apolai kok awak sigi kato cantik tu indak ado dalam kosakato bahaso Minangkabau nan ado cantiak tapi aratinyo sangaik babeda ado kato rancak kok mati karancak an lah lain pulo aratinyo” Niek Reno manjalehan arati kato cantik jo cantiak sarato rancak jo mati karancakan.

“Iyo, indak samo aratinyo cantik jo rancak do. Rancak ko labiah kapado fiil parangai, sadangkan cantik labiah kapado bantuak muko. Iyo baitu Niek”. Aisyah mangamukoan pandapek nyo ka Niek Reno.

“Iyo baitu Aisyah. Tapi urang Minang ko indak mamparmasalah an bana hal itu dek karano kacantikan fisik tu indak punyo ukuran baku, sarato nilai akhia, sadonyo basifaik samantaro. Makonyo adaik Minangkabau indak mambuek bakuan tantang urang padusi nan dikatoan cantik atau rancak. Sanang ati Niniek bacarito ka kalian karano lai capek kalian mamahaminyo. Niniek raso hari lah malam ancak awak lalok lai bulieh bisuak jago subuah”. (*)

 

Senja Kusam

Penulis : Oleh: Trah W. Bulir air yang tergenang di atas daun tua Merefleksikan sisa-sisa kenangan kita D
Cerpen

Nadi Waktu

Penulis :

Bungkuslah hari-harimu dengan cinta. Jinjitlah minggu-minggu dengan kasih. Lalu, jalanilah bulan-

Remaja

Erwin Sovyan Putri: Hobi Dancing, Juara Lomba Menari

Penulis : Debi Virnando - Padang Ekspres

Siswi Sekolah Menegah Kejuruan Negeri (SMK) 5 Padang ini diutus sekolahnya mengikuti pelatih

Glukoma Cinta

Penulis : Sepenggal malam yang sepi, hening tanpa tawa. Suara jangrik, katak, dan binatang lainnya begitu rian
Cagak Utama

Baromban Karya Iyut Fitra, Kecemasan Terhadap Kota Para Penyair

Penulis : Ivan Adilla - Pengamat sastra, eseis, dan pengajar di FIB Universitas Andalas, Padang.

Payakumbuh dan kampung di sekitarnya seakan ditakdirkan sebagai wilayah asal para sastrawan. Dari

Kampus

Perketat Pengawasan Ujian SBMPTN

Penulis : Eka Rianto - Padang Ekspres

Ujian Seleksi Bersama Masuk Perguruan Tinggi Negeri (SBMPTN) akan digelar 16 Mei mendatang. Untuk

Remaja

Randai Arai Pinang, Bukti Perjuangan Anak Kampung di Pessel

Penulis : Debi Virnando - Padang Ekspres

Lahan kosong yang biasanya sunyi tiba-tiba ramai sekali sepekan. Puluhan remaja menari