CAGAK - Lembaran Budaya Padang Ekspres - Semangat_Kartini

Semangat Kartini

Penulis :     Kamih patang, tanggal 21 April, sabagian masyarakat di Indonesia marayoan Hari Kartini. Tamasuk masyarakat di tampek tingga si Iroih jo Barinam. Anak-anak sikola, sibuk jo acara pawai mamakai baju kabaya. Nan induk-induk indak lo nio kalah, sato lo mambuek acara khusus untuk induk-induk. Pokok e, sagalo kegiatan di hari tu, ateh namo marayoan Hari Kartini. Sadangkan Iroih, indak sato manga-manga. Inyo hanyo tukang foto. Oiyo, ado ciek karajo inyo sabalum jo sasudah hari tu; manguyak-nguyak lamari, mancari baju kabaya amak e untuk anak-anak sikola nan ka sato pawai; mambalikan sakali. Dek lamari-lamari baju amak si Barinam sudah dikuyak dek si Iroih ko. Hari ko, si Iroih maantaan baju kabaya nan dipinjam e ka rumah si Barinam. Lah tabik suga si Iroih maimbau-imbau si Barinam, indak ado inyo basuaro dah. Kiro e, inyo di parak. Lah, dituruik malah dek si Iroih ko ka parak si Barinam. “Ha, patuiklah indak babunyi Ni Nam diimbau dek urang. Siko kiro e.” “Tu iyo, nan baimbau sadang indak binyo, ba a ka basuaro,” jawek si Barinam “Yo kuat Ni Nam yo. Abih rabah-rabah batang karambia dek Ni Nam a,” kato Iroih jo galak manih. “Nan rabah ko punyo urang mah, Roih. Nan sadang babuah labek tu nan punyo awak nyeh du a,” tunjuk Barinam ka batang karambia. “Sangko hati, dek gara-gara semangat Kartini patang tu lo rabah-rabah batang karambia dek Ni Nam mah.” “Ooo, jan salah-salah lai, Roih. Ba a ka ba a, padusi tu harus bisa sagalo hal. Kok nio Ni Nam a, jan kan batang karambia, batang baringin se namuh rabah dek Ni Nam mah. Tingga manabang se nyo mah. teknik bisa dipalajari,” kato Barinam agak maninggi. “E e, yo hebat Uni awak ko mah. Salut Iroih, Ni,” jawek Iroih sambia batapuk tangan. “Pokok e Roih, sampai kini, banyak padusi-padusi nan alah mambuktian kalau jenis kelamin indak bisa mahalang-halangi padusi untuk maju. Takah mentri, nan padusi, banyak. Jadi polisi, tentara, dokter, seniman, pilot, banyak nan padusi. Ilmu pengetahuan, bisa bebas didapekan dek padusi. Sakola tinggi-tinggi, bulih. Asa lai kuat. Pokok e, di zaman kini gah, karajo padusi indak di sumua, dapua, kasua se dah. Itu bisa awak dapekan, salah satu e dek usaho pahlawan-pahlawan kito, takah Kartini. Salain Kartini, sabana e masih banyak pahlawan-pahlawan padusi nan jarang tasabuik di kurikulum sakola. Nan tantu dek anak-anak sakola ciek Kartini se nyeh. Sayang sekali,” kecek Barinam panjang lebar. “Itu salah e sejarah di Indonesia ko, Ni. Banyak nan abu-abu.” “Ha, ciek lai. Di Indonesia ko, hari-hari e banyak lo mah. Alun lai hari-hari nan indak tacatat di dalam kalender. Salah e, hari-hari besar tu banyak hanyo untuk basanang-sanang se nyeh, Roih. Takah hari Kartini patang, meriah e sahari tu lo nyo. Meriah dek gara-gara ado acara, samantaro kesadaran masyarakat akan perjuangan tu masih randah. Banyak ju padusi-padusi nan salah mamilih jalan. Banyak ju padusi nan mangemis, nan mambuang anak baru lahia, nan mancilok. Padahal, padusi di zaman kini alah merdeka. Tapi, usaho untuk merdeka tu indak ado. Alasan-alasan e, dek karano ekonomilah, tuntutan pekerjaanlah. Yo, ba a lo lah caro manyabuikan e lai ko a. Hari Kartini kecek urang, Hari Kartini lo kecek awak. Nan makna Hari Kartini tu lai tantu antah indak,” tutua Barinam panjang leba. “Jan kan hari, Ni. Musim se banyak lo di Indonesia ko mah. Takah musim rambutan, musim lansek manih, musim alang-alangan, musim garobak.” “E, kama lo lari e tu a. Awak serius, inyo bae batea-tea. Yo lalah si Iroih ko nyeh.” “Jan serius bana, Ni. Bakoar-koar bana awak siko, nan mandanga batang karambia juo nyeh. Rumpuik, cipuik, jo mancik. Rangik ciek lai.” “Hah, sumbaranglah.” “Tu manga Ni Nam siko? Manunggu buah karambia tu balambin surang?” “Dek semangat Kartini, Roih, Ni Nam ka mamanjek batang karambia ko rencana mah. Ni Nam buktian kalau Ni Nam bisa. Bisa mangarajoan nan dikarajoan laki-laki.” “Semangat Kartini yo semangat Kartini, Ni. Tapi indak lo sampai mamanjek batang karambia untuk mambuktian e dah, Uni Kanduang,” kecek Iroih sambia galak kajang. Indak lamo sasudah tu, lalu tukang panjek karambia jo baruk. Samo-samo panjang calik si Barinam jo baruk nan barenggea di balakang tu. Yo lai baruk ju nan ka mamanjek jadi e nyeh, bisik Iroih ka si Barinam. (*) *)Hakimah Rahmah S
Puisi

Sepi Yang Menggantung

Penulis : Zul Adrian Azizam

Ini barisan sajak yang menggantung
dari bait terakhir
Tak banyak kata yang tertulis

Paco - Paco

Pelarangan Buku-buku yang Membahayakan Pemerintah Kolonial Hindia Belanda

Penulis : Suryadi – Leiden University, Belanda

Boekoe jang bertitel “Djalan oentoek menoentoet kemerdekaan di Indonesia” karangan to

Hiburan

Anggun dan Patung Lilinnya

Penulis : JPNN

Hayo... Mana yang Asli?

Anggun, 42, selama ini berdomisili di Paris, Pra

Remaja

Nikita Amanda, siswi MAN Insan Cendekia Padangpariaman

Penulis : Ade Nidya Zodittia - Padang Ekspres

Cinta Alam dan Suka Tantangan 

Baru saja menamatkan pendidikan di&n

Konsultasi

Pemindahan Hak Atas Saham Perseroan Terbatas

Penulis : Miko Kamal, SH, LL.M, PhD

Pada tahun 2001 saya bersama seorang teman mendirikan sebuah perusahaan berbentuk badan hukum

Anggun

Cantik itu tak Harus Mahal

Penulis : Eka Rianto - Padang Ekspres

Untuk tampil cantik sering kali dinilai dengan menghabiskan banyak uang. Mulai dari busana

Anggun

Tampil Gaya dengan Berhijab

Penulis : Eka Rianto - Padang Ekspres

Menggunakan hijab merupakan kewajiban bagi seorang muslimah. Namun banyak bagi wanita muslim, rag