CAGAK - Lembaran Budaya Padang Ekspres - Randang_Masakan_Mande_Awak_nan_Mandunia
PADEK NETWORK : PADANGTV.ID POSMETROPADANG.CO.ID CAGAK.CO
Carito Niniek Reno

Randang Masakan Mande Awak nan Mandunia

Penulis : Puti Reno Raudha Thaib - Ketua Umum Bundo Kanduang Sumbar   

Niek Reno sadang mancaritoan bahaso di nagari awak Minangkabau ko mampunyoi banyak ragam makanan jo minuman tradisi nan marupokan kakayaan awak, Makanan nagari awak ko di lua Minangkabau disabuik: “makanan / masakan Padang”.

“Tapi di Padang indak ado rumah makan Padang do Niek”. Fathir manyolo Ninieknyo sambie galak.

“Iyo, lah pandai Fathir bagarah kini mah. Batua tu di lua nagari awak ko urang nan manjua masakan awak umumnyo manamoan rumah makannyo jo rumah makan Padang. Itu kan sabagai panando sajo, kadang-kadang la pai awak karumah makan Padang tu, tanyato nan manjua indak urang awak do.. Itu pulo kaistimewaannyo urang awak tu Thir”.

“Niek apo bana hebaiknyo masakan awak ko Niek, mako banyak urang nan suko”. Aisyah batanyo ka Ninieknyo.

“Masakan awak ko umumnyo mampunyoi cito raso nan unik dek karano raso padehnyo nan kadang-kadang manyangek sampai katalingo, sudah tu pamasak jo bumbunyo agak barek. Mamasaknyo banyak mampagunoan santan karambie, wakatu mamasaknyo lamo dek karano basangai-sangai jo api sabuik karambie. Manuruik kayakinan urang awak untuak mandapekan masakan nan lamak, rancak dimasak jo kayu sarato jo sabuik karambie”. 

“Kan indak praktis tu ndak Niek, baabih hari dek mamasak tu”. Kecek Aisyah.

“Iyo Aisayah, itu kalau awak caliek jo wakatu mamasak nan lamo tu. Tapi dibaliek itu ado palajaran jo pandidikan, bahaso dalam mamasak tu ado nilai-nilai nan rancak untuak mambatuak sikap urang jo karakter”. Niek Reno maagieh tau cucunyo ado nilai kaarifan nan dikanduang dek  mamasak tu.

“Apo sajo tu Niek nilai-nilai kaarifan kecek Niniek Tu”. Aisya batanyo ka Niek Reno.

“Aisyah, kalau awak caliek dari ajaran adat awak tarutamo ka urang padusi, ado ampek kapandaian nan musti dipunyoi dek padusi. Nan partamo mamasak jo manggulai. Nan kaduo manjaik jo manyulam. Kaampek hal itu indak murah do, tapi mamaraluan kaahlian maramu pamasak, mamilieh bahan nan ka dimasak, mambutuhkan kasabaran jo katalitian jo ka hati-hatian dalam mamasaknyo. Bilo api harus gadang, bilo harus ketek. Baa caro mangacaunyo. Jadi kasadonyo tu mampunyoi nilai nan tampak jo nilai nan indak nampak (tasirek). Diparaluan kaarifan didalam mamasak, manggulai, manjaik jo manyulam”.

“Tapi Niek Puti caliek di rumah makan Padang tu jarang urang padusi nan mamasaknyo. Baa kok baitu tu Niek”. Puti batanyo ka Niek Reno. 

“Iyo lai tajam lo pancaliekan Puti mah. Gadang hati Niniek dek nyo mah. Batua tu Puti di nagari awak ko antaro urang padusi jo urang laki-laki samo tanamo nyo sabagai urang nan pandai mamasak. Cubo bisuak caliek dek kalian kutiko acara adat batagak pangulu nan memasak dagiang kabau adolah laki-laki. Baitu juo maidangkannyo katangah nan disabuik jo “janang”. Upacara Tagak Pangulu; Batagak Rumah Gadang, alek Pakawinan, selalu diidangkan randang nan marupokan samba pokok atau samba gadang nan disabuik jo “Induak Samba” nan bamakna: dagiang nan manjadi bahan pokoknyo malambangkan posisi niniek jo mamak nan mambari kaadilan jo kamakmuran kakaumnyo. Santan karambie malambangkan urang cadiek pandai nan akan marakek jo manyatuan kaumnyo. Lado malambangkan alim ulama nan tageh jo kareh maajaan syara’. Nan taakhir bumbunyo malambangkan paranan fungsionaris adat dari tiok-tiok urang dalam bakaum. Jadi randang mampunyoi makna jo kaduduakan nan  khusus sarato istimewa dalam masyarakaik Minangkabau. Bahkan sacaro tradisi ado samacam kaharusan bagi anak-anak gadih Minangkabau untuak pandai meracik bumbu jo memasak rending”. (*)

 

Hiburan

Dewa Budjana: Beraksi di Tebing Breksi

Penulis : JPNN

Gitaris grup musik Gigi, Dewa Budjana menyapa penggemarnya di Yogyjakarta . Pria kelahi

Paco - Paco

Misi Zending Jerman di Pariaman, 1932

Penulis : Suryadi – Leiden University, Belanda

“Bij Gouvernements besluit: is aan Heloemano, pandita van het Rijnsche Zendingsgenoots

Kampus

Mahasiswa Bidikmisi Bayar Uang Wisuda

Penulis : Tim Genta Andalas

Wakil Rektor (WR) I Unand mengeluarkan Surat Edaran Nomor 4474/UN.16.WR.I/PP/17 perihal pelaksana

Hiburan

Kimberly Ryder: Adu Akting Bareng Dua Aktor Jepang

Penulis : JPNN

Mengawali 2017, Mahaka Pictures langsung tancap gas menyelesaikan  proses akhir pembuat

Hiburan

Puteri Hijab Indonesia 2015, Yuliana Ristantia

Penulis : Eka Rianto - Padang Ekspres

Casual, Tampil Penuh Warna

Berbusana casual tak mesti tampil apa adanya.

Hiburan

Ryan Gosling: Jelaskan Arti Senyum

Penulis : JPNN

Siapa yang bisa melupakan senyum ikonik Ryan Gosling saat Oscars 26 Februari lalu? Ekspresi itu m

Minum Es saat Hamil 

Penulis : Pagi dok, Saya Suri usia 32 tahun, saya sekarang sedang hamil 5 bulan dok,mau bertanya dok masal