CAGAK - Lembaran Budaya Padang Ekspres - Babuko_Jo_Pabukoan_di_Bulan_Puaso
Carito Niniek Reno

Babuko Jo Pabukoan di Bulan Puaso

Penulis : Puti Reno Raudha Thaib - Ketua Umum Bundo Kanduang Sumbar   

Aisyah, Puti jo oncu Mayang baliak dari pakan kini duduak di dapua  mambarasiahan pabalanjoan untuak parsiapan sapakan. Oncu Mayang maajakan ka Aisyah jo Puti baa caro mamilah bahan-bahan manuruik macamnyo sarato jo katahanannyo. Nan partamo dibarasiahan daulu tarutamo bahan sarupo dagiang jo ikan sarato ayam, sudah dibarasiahan dikariangkan aienyo. Bahan sayua manyayuah dibuang tangkainyo nan kareh sarato daunyo nan rusak. Baitu juo jo bahan-bahan nan lainnyo. Sasudah dibarasiahan mako satiok barang-barang tu dimasuakkan kadalam kotak-kotak plastik sasuai jo kaparaluan sahari-hari. Sudah tu baru disimpan dalam lamari pandingin.

“Oncu. Jadi jo caro bantuak iko sahinggo murah awak maambiaknyo sarato indak paralu awak mangaluakan nyo kasadonyo dari lamari pandingin. Aisyah baru tau pulo sabab Bundo Aisyah kan indak mamasak do Oncu, kan katering. Sabab Bundo Aisyah bakarajo hampia saharian mulai dari pukua 7.30 sampai pukua limoan. Bilo Bundo ka mamasak.Aisyah baitu pulo sakolah dari pagi sampai patang pulo. Alun pulo les nan diikuiki”.

“Oncu mangarati jo kaadaan Aisyah di kota mah, tapi walaupun kini indak mamasak. Aisyah harus pandai mamasak tu. Urang padusi Minang ko harus pandai mamasak jo manggulai, manjaik jo manyulam Aisyah”. Oncu Mayang bacarito ka Aisyah.

“Aisyah lai ingin baraja mamasak nyo Oncu, makonyo Aisyah sanang bana bisa pulang kampuang bulan puaso ko. Sahinggo Aisyah buliah baraja mamasak ka Oncu“.

“Alhamdulillah, Aisyah jo Puti lai amuah baraja. Niek Reno tu sangaik pandai mamasak jo manggulai, marandang, bahkan nyo pandai marendo palembang, marendo palite, mambrayen bagai. Niniek Aisyah tu diharuskan dek Ninieknyo baraja sagalo hal nan bakaitan jo katrampilan nan diparalukan dalam kahidupan awak.”

“Iyo Oncu masakan Niek Reno sadonyo lamak bana, mamak-mamak jo etek-etek Aisyah nan di rantau salalu minta dikirimi samba randang paru ka Niek Reno. Sabab babedo randang nan dimasak jo kayu jo nan dimasak di kompor indak samo rasonyo sarato warononyo. Kalau Bundo Aisyah mambuek randang di kompor warononyo kuniang indak itam sarupo nan dimasak Niek Reno. Iyo Bundo Puti iyo baitu pulo Oncu.” Anak-anak tu mancaritoan baa bundo-bundo nyo mambuek randang di kota ka Oncu Mayang.

“Manuruik Oncu sababnyo ciek nyo tu, kalau di kampuang mamasak randang jo kayu sarato jo sabuik karambie, untuak mandapekan warono nan hitam tapi indak anguih tu iyo lamo disangai jo api ketek, kalau manuruik Niek Reno istilah di sakolah mamasak dagiang randang jo bumbunyo indak :masak di lua, matah di dalam atau istilah hebaitnyo: case hardening.”

“Iyo santiang Niek Reno tu yo Oncu banyak nan dikatahui jo kapandainnyo”. Aisyah taheran-heran batanyo ka Oncu Mayang tantangan Ninieknyo tu.

“Ruponyo Aisyah indak tau dulu kan Niek Reno tu sakolah di jurusan nan mangolah bahan makanan. Aratinyo Aiyah bisa pulo pandai mungkin labiah pandai dari Niek Reno lai, karano kadaan kini lah jauh babedo jo saisuak. Banyak tampek baraja, manimbo ilimu tantang sagalo hal; mamasak, manjaik, manyimpan jo maolah bahan makanan. Nan paralu awak lai amuah baraja. Oncu yakin Aisyah jo Puti sarato cucu-cucu Niek Reno adolah urang-urang nan pandai. Malu awak, cucu Niek Reno indak pandai mamasak. Sabab satau Oncu Niek Reno salalu mangecekan ka urang-urang, bahaso padusi Minang tu adolah urang nan pandai mamasak jo manggulai sarato manjaik jo manyulam. Makonyo di nagari awak tadapek babagai macam makanan nan lamak-lamak (kuliner) randang nyo nan nomor satu di dunia, sarato tadapek pulo kain tanunan Songket nyo nan nomor satu pulo di dunia, alun lai sulaman kapalo sameknyo nan hanyo ado di nagari awak ko. Kini tingga dek nan mudo-mudo lai untuak baraja.

“Yo Oncu. Mudah-mudahan salamo puaso di kampuang ko Aisyah jo Puti dapek baraja satidaknyo untuak pandai mamasak randang baluik jo pangek lapuak nan sangaik katuju dek kami”. (*)

 

Remaja

Tatapan Sendu

Penulis : Wetri Rahayu

Tatapan Sendu

Tatapanku sendu setelah sampai di kamar
Kuhempaskan

Puisi

Di Antara Guyuran Hujan

Penulis : Subaidi Pratama

Di antara malam yang padam dan sepi 
Hujan menunaikan rindunya kepada bumi 

Konsultasi

Pencegahan Infeksi Rubela dalam Kehamilan

Penulis : Dr. Dovy Djanas, Sp.OG (K-FM)

Assalamualaikum dokter Dovy…… Perkenalkan nama saya  Cintia, 26 tahun dari

Konsultasi

Mekanisme Pembagian Harta Bersama di Pengadilan

Penulis : Miko Kamal, SH, LL.M, PhD

Bapak/Ibu pengasuh rubrik konsultasi hukum yang saya hormati. Enam bulan yang lalu Pengadilan

Khasanah

Pentingnya Sinergisme dalam Pengelolaan Cagar Budaya

Penulis : Hasan Basri, SS

Dalam Undang-Undang Republik Indonesia Nomor 11 Tahun 2010 tentang Cagar Budaya, Cagar Budaya did

Khasanah

Naskah Riwayat Hidup Syekh Burhanuddin

Penulis : Pramono - Dosen Prodi Bahasa dan Sastra Minangkabau FIB Universitas Andalas

Naskah yang akan dibincangkan ini adalah naskah “Sejarah Ringkas Syekh Burhanudin” ya

Cerpen

Sepasang Kekasih dan Percakapan-percakapan di Kepala Mereka

Penulis :

Saya akan bercerita tentang sepasang kekasih yang tak saya ketahui namanya. Mereka kini sedang du