CAGAK - Lembaran Budaya Padang Ekspres - Samo_samo_Rancak
Carito Minang Kini

Samo-samo Rancak

Penulis : Hakimah Rahmah S   

“Ni Nam, kama tu?” tanyo si Iroih dari balik paga rumah, “e e eh, coga bana nampak Ni Nam dek Iroih hari ko mah a. Babadak, balepoang, ba tas tangan gai. Taralah e, tong asoi se nan dikapik di katiak nyeh,” lanjuik si Iroih sambia masuk ka laman rumah si Barinam.

“Ko Roih a, pai ka balai sabanta lu. Sambia makan es tebak jo katupek pitalah,” jawek si Barinam sambia mangunci pintu rumah.

“Ha, pas bana mah! Iroih rencana iyo ka pai ka balai lo. Taragak lo makan godok cinta jo aia tabu Ni Nam a. Alah bara kali purnama Iroih ndak makan itu tu. Sabana taragak!”

“Alah bara kali purnama? Eee, yayai! Bakalabihan bana, kotang ga baru siap makan godok cinta, bakecekan lo alah lamo dek indak!”

“Ha, kan dek itulah dek Ni Nam a. Pas bana, samo se wak ka balai. Iroih rencana ka pai ka ateem lo sabanta. Ka maambik pitih.”

“Maambik pitih? Nan kecek urang ruih maniy ruih maniy tu?”

“Ruih maniy! Alah salah, kareh lo mah. Rush money, Ni Nam! Rush money!”

“Ndak tantu dek Ni Nam dah! Kok a lah namo e! Nan jaleh ruih maniy! Kawan-kawan Ni Nam maajak lo sato kotang mah, Roih.”

“Tu lai sato Ni Nam?”

“Lai indak!”

“Santiang!”

“Tu, manga Iroih ka ateem tu?”

“Biaso, Ni, urang bakirim pitih ka awak. Pitih banyak tu ciek lalu lalang se di rekeniang Iroih nyeh, Ni. Acok taibo ju hati ko gara-gara itu!” 

“Eee, maota ka maota ju. Tolah, tolah, bajalan awak lai a. Di simpang tu biaso e ado tukang ojek mah.”

“Yo lah, wak ansua lah bajalan lai, Ni. Oiyo, tumben Ni Nam makai tas itu tu mah,” tunjuk si Iroih ka tas si Barinam, “banyak bao pitih Ni Nam yo? Ka bali ameh nampak e ko mah!” 

“Pandai bana si Iroih ko! Ssst! Anok-anok e lah, tangaran lo dek urang, kanai intai lo Ni Nam beko ha,” malengah ka suok ka kida.

“Kok ndak manabuang se Ni Nam di bank?” tanyo si Iroih babisik-bisik.

“Nan di bank lai lo. Tapi indak sabara. Ni Nam labih tuju nyimpan pitih balian ka ameh lai. Harago ameh jarang ka turun nyeh, malah makin naik. Nan diparaluan tu surek-surek e se nyeh. Kok di bank tu, rumik lo! Banyak lo tetek-bengek e.”

“Ah, urang saisuk iyo takah itu! Iroih cameh kok manyimpan ameh tu, Ni. Iroih labih tanang kok manyimpan pitih di bank lai. Ah, itu suana e salero jo keyakinan surang-surang. Manyimpan di bank jadi, manyimpan ka barang jadi ju. Ma nan ka taragak se lah. Oiyo, kok Ni Nam balian ka ameh, tu dima Ni Nam andokan ameh tu?” tanyo si Iroih.

“Ha, Iroih indak tau dah kan? Suana e, Ni Nam salamo ko manyimpan ameh jo pitih tu di,” kecek si Barinam sambia mambisikan ka talingo si Iroih.

“Haaaa, yo mantap mah, Ni. Ndak lo tapikia ka sinan dah! Payah sobok dek urang maliang mah.”

“Nan jaleh, umpamo kok singkek umua Ni Nam, Iroih tahu di ma Ni Nam manyimpan ameh jo pitih lah!”

“Ndeh, jan lah ngecek mode tu Ni a, agak lain suasana hati Iroih jadi e.” Tibo di balai, di tampek urang manjua katupek pitalah...

“Ni Nam, geser, geser! Urang rami a,” kecek si Iroih.

“Kreeeek! Lah? Alun ju lai?” basipakak.

“A nan babunyi tu? Lai ndak kartu ateem Iroih nan Ni Nam kadudukan?” cameh, “tagak Ni Nam sabanta lah. Kartu tu baleak se di tas nyeh du. Ndeh, lai ndak kartu tu lo nan patah tu a?” jo muko kusuik.

“Ndeh, maaf, Roih! Indak sangajo!”

“E yayai! Iyo mah!” manyarumbek.

“Bisuk wak ka bank, Ni Nam kawanan mauruih e. Kini bank kan tutuik.”

“Nyo paralu kini lo Ni a.”

“Pakai se pitih Ni Nam ko lu. Bia minggu bisuk se ameh tu dibali,” sambia maagihan tas e ka si Iroih. Dalam hati, si Barinam manggarutok, “ndak jadi den bali ameh dah a!” Tibo-tibo, ado padusi nan manyalang kartu ateem nan alah ratak tu.

“Salang santa, Ni. Ka wak masukan lo ka pesbuk a. Rush money kecek urang tu lo a. Pado punyo awak nan dirusakan, bia punyo urang nan alah rusak se awak pagunoan. Lai suai dek Ni tu?” 

“Lai aman paja ko gah, Roih!” bisik si Barinam ka si Iroih. Si Iroih galak-galak manih mancalik sarendeang si Barinam ka padusi tu. (*)

 

Cerpen

Monyet Besar

Penulis : Muhaimin Nurrizqy

Hari-hari menjadi penuh was-was semenjak Pak Tongkong menceritakan tentang seekor monyet besar ya

Remaja

M Alhanif dan Dimas Fikriaza: Pelajar Kota Arang Go Internasional

Penulis : Julnadi - Padang Ekspres

Langit Kota Sawahlunto tampak mendung di pagi itu. Jarum jam menunjukkan pukul 09.00. Belasan sis

Remaja

Waktu yang Disia-siakan

Penulis : Yuhanis

Waktu yang Disia-siakan 

Di pagi burung-burung bernyanyi ria

Partolot

Penulis : - baen Aya-Umak Tulis bo Nang, carito tentang si Kalolok yang mencincang pikiran dengan
Kampus

11 Gedung UNP belum Tuntas

Penulis : Fakhruddin Arrazzi - Ganto

Pengerjaan Proyek Diperpanjang, Serah Terima Mei

Sebelas gedung proyek p

Cagak Utama

Membangun Pariwisata Melalui Karya Sastra

Penulis : M Redho Ilahi - Mahasiswa Sastra Indonesia Unand, Pengkaji Kebudayaan dan Wartawan

Catatan Ringan dari Pekan Kritik Sastra 3 FIB Unand dan Ketika Proses Belajar di Kelas

Konsultasi

Persiapan Kehamilan

Penulis : Dr. Dovy Djanas, Sp.OG (K-FM)

Assalamualaikum warahmatulahi wabarakatuh. Semoga bapak dan keluarga dalam keadaan sehat