Cagak Utama

Puti Reno Raudha ThaibSumbang Makan

Rami urang di langkan dapua Rumah Gadang Niek Reno, ado oncu Mayang jo Oncu Suri sarato cucu-cucu Niek Reno, nampaknyo mareka sadang minum kowa pagi jo katan  Durian nan di bao mak Katik dari parak di ateh guguak subuah tadi. Batang durian tu lah saumua jo Niek Reno, tapi dek karano dipaliharo sungguah-sungguah sarato elok-elok, mako buahnyo banyak, gadang-gadang, isinyo taba, rasonyo kamek. 

“Oncu, iyo lamak bana katan jo durian ko, manih. Babedo bana jo durian nan dibali di kota acok tabali durian nan busuak rasonyo indak manih jo kamek bantuak durian awakko do. Kadang-kadang dicaliek kuliknyo rancak, tapi isinyo indak elok do”. Fathir mangecek ka Oncu Mayang.

“Ado bedonyo tu Jang, durian awakko samparono masaknyo, ditungguan dek mak Katik jatuahnyo. Apolai baingahan dek Mak Katik, disiangi pangkanyo, dibuang rantiang atau dahannyo nan mati sarato diagiah pupuak batangnyo”. 

“Ondeh iyo sabana lamak makan katan jo durian ko, sampai-sampai indak nampak Niniek tibo dek kalian. Labiah-labiah Fathir jo Lingga, caliak lah tu la cemang cemong, lah pipi bagai nan makan durian”. Niek Reno manyapo cucu-cucunyo tu.

“Iyo Niek, Fathir jo Lingga bacarabuak jo balomba makan durianko, lah ampek buah dikubakan dek Mak Katik. Sadang kami makannyo sanabu-sanabu nyo Niek”. Kecek Aisyah ka Niek Reno.

“Oh wai Aciak denai. Urang makan durian iyo sanabu-sanabu nyo  Ciak”. Fathir mampagarahan aciaknyo. “Iyo pulo kecek Fathir tu, makan durian iyo sanabu-sanabunyo.

Tapi Niniek caliak dari tadi Fathir jo Lingga iyo lah bakalabiahan bana, dek lamaknyo durian lah lupo jo adab makan. Sabab baa kaba juo lah lamaknyo nan dimakan, dimano juo tampek awak makan di rumah, di parak, di lapau,  di restoran nan adab jo taratik makan tu indak buliah lupo. Lai jaleh dek kalian tu”. Niek Reno maingekkan cucu-cucunyo

“Itulah Fathir jo Lingga, dangakan tu apo nan dikecekkan Niek Reno tadi. Itu kan tamasuak Sumbang makan juo yo Niek”. Aisyah maingekkan adiak-adiaknyo nan bujang-bujang nan gadang salero tu.

“Iyo Aisyah. Sumbang makan tu yo harus dikana taruih dimanopun awak barado sarato apopun nan awak makan. Sabab dari caro awak makan, maambiaknyo, mangunyah makanan tu urang bisa tau jo sifaik awak, sarupo urang nan punyo sifaik cangok, sarakah, cekeh, indak paduli jo hak urang lain, indak saba.dan banyak nan lain lai.

Makonyo dalam sagalo tindak tanduak awak ado aturan adab jo taratiknyo. Mambedoan manusia jo binatang murahnyo Thir, tapi mambedoan manusia jo manusia nan lain nan utamo adolah adab jo taratiknyo. Ingek tu dek kalian”. Niek Reno maingekan cucu-cucunyo.
“Iyo Niek, tarimo kasih Niek”.***

Cagak Utama

Cagak Utama Malewakan Gala Sebelas Pangulu Andiko di Nagari Koto Hilalang Balingka

Masing-masing Kaum Harus "Dihidupkan" Peminpinnya

Uranglah

Puisi

Sajak Hujan

Hujan Gerimis

Dari ketidakberdayaan, lewat mata
jarum-jarum lembut berjatu

Konsultasi

Amankah Bepergian Saat Hamil dengan Pesawat?

Assalamualaikum dokter Dovy. Saat ini saya hamil 4 bulan (16 minggu), dan kebetulan sepupu sa

Kampus

Luncurkan 50 Buku Karya Dosen

Universitas Negeri Padang (UNP) bekerja sama dengan PT Prenada Media Group Jakarta luncurkan 50 b

Khasanah

Naskah-Naskah di Pariangan

Terlepas dari kajian dialektologi yang dilakukan oleh Nadra (1997) yang telah menyimpulkan bahwa

Om Jun

Anak-anakku, Dara dan Dirga, kian hari kian lengket dengan Junaidi. Hampir tak ada hari mereka yang
Cagak Utama

Narasi Abu-abu dari Gadis Berusia Seratus Tahun

Layar televisi kita senantiasa dihiasi oleh selebritas dengan kulit cerah, hidung mancung, serta