CAGAK - Lembaran Budaya Padang Ekspres - Zaman_Buruang_Murai
Carito Minang Kini

Zaman Buruang Murai

Penulis : Hakimah Rahmah S   

&ldquo Di zaman buruang murai ko, sado urang bebas mangecek ndak, Roih. Sado urang bebas bapandapek. Sado urang bebas babuek, apolai di dunia maya. Sado urang maraso hebat. Sado urang maraso kecek e nan paliang bana. Indak paralu manjago hati urang kok ka babuek, kok ka mangecek, kok ka maupek. Saliang manjatuhan, saliang sarang-manyarang. Saliang mahakimi. Ciek lai, sabagian urang mudah tapadayo jo barita-barita nan lah digodok-godokan dek media massa, apolai nan isi e adu domba. Dari situ, banyak urang nan saliang buruk-mamburukan. Nan di balakang, sabagian urang batapuk tangan,” kecek Barinam sambia manarawang jauh.

“Iyo, Ni. Batua tu. Iroih jo Ni Nam pun alah manjadi bagian dari itu lo. Alah zaman e lo dunia ko takah iko. Katiko manusia dikuasai dek kebahagiaan-kebahagiaan sesaat yang ditawarkan dek dunia maya jo media massa ko. Katiko urang banyak nan labih picayo ka berita di media massa pado mancari tahu fakta nan sabana e. Indak paduli bulan puaso atau indak e dah, emosi indak tatahan. Nan pacaruik, pacaruik juo. Calik se lah di fesbuk tu dek Ni Nam. Dalam sahari bara urang mambagi-bagian barita nan pado inti e hasutan nan panuh jo kabancian tu dek Ni Nam? Apolai barita politik. Mangka bana hati Iroih kok ado nan mode itu. Tapi, ba a lah?”

“Urang ko indak sarupo isi pangana e dah, Roih. Puaso di bulan puaso ko se, lai jadi bahan olok-olok dek sabagian urang bagai.”

“Iyo. Jan kan puaso sabagai rukun Islam dek Ni. Alquran se nan jadi rukun Iman lai dipaulahan juo dek urang. Tu mah, heboh urang dek gara-gara parangai paja tu.”

“Kok parangai cingkahak urang, baleak-leak mah, Roih.”

“Iyo, batua,” jawek Iroih, “Iroih raso, labih rancak mambaco artikel-artikel daripado mambaco barita nan alun tabukti kebenaran e tu lai. Kok ndak, tulisan-tulisan nan isi e santai tapi paralu. Contoh, 6 tanda-tanda seseorang menyukai kamu. Indak samak utak mambaco e dah, Ni,” sambia galak manih.

“Tu ba a musti e lai, Roih? Ni Nam nio tahu juo ba a perkembangan dunia ko. A isu paliang angek nan dibahas urang. Tantu dari media massa jo dunia maya juo nyeh.”

“E, kok itu, indak masalah dah, Ni. Paralu tu mah. Tapi, pilih-pilih dulu a nan ka dibaco tu, jan langsuang dilulua se bulek-bulek. Beko tasakang di marih tu beko. Tacakik pulo,” kecek si Iroih.

“Tu, godaan-godaan nan ditawaran dek iklan-iklan di tipi tu ba a? Makin dakek rayo, makin manjadi-jadi nampak dek Ni Nam iklan e. Tambah panik induk-induk mamikian pengeluaran. Apolai nan onlen-onlen tu ah. Padusi bana nan diincar e mah. Hualah. Hualah.”

“Ha, kok masalah iklan makanan jo minuman bisa ditahan mah ndak. Indak salamah itu bana lo iman awak dah. Niek tasalubuang dari iklan tu kan jaleh, Ni. Tapi, kok masalah gaya hiduik, ragu Iroih. Walaupun ujuang-ujuang e ateh namo untuk rayo eh.” galak sambia manutuik muncuang.

“Kan, ndak tu ha. Kok paralu, diguntiang juo kabel tipi ko mah. Kok ndak, tipi tu bana dan dihumban dek batu lai.”

“Hmm. Indak lo sampai takah itu bana dah, Ni. Beko lah salasai puaso ko, takana pulo tipi beko mah,” kecek si Iroih, “Ni Bar, oo Ni Bar.”

“Bar bar bar, kecekannyo baruak awak kolah e,” manyarumbek.

“Eeeh, indak itu makasuik Iroih dah, Ni. Ampun,” sambia angkek tangan.

“Jan maindak, Roih.”

“Saba, Ni. Tahan, tahan. Tapi puaso, beko bata.”

“Kok bata tu ba a? Masalah?”

“Hualah, babuko se lah lai, Ni. Ko lai aia putih sagaleh a. Buruang murai lai lo tu ha,” jawek Iroih makin manjadi-jadi. (*)

Carito Niniek Reno

Urang Minangkabau Nan Ba Budi Baiek Baso Katuju

Penulis : Puti Reno Raudha Thaib - Ketua Umum Bundo Kanduang Sumbar

Lingga, Manar, Aisyah, Puti jo Mirzah sadang baraja batatah patitiah, asyik juo mandanganyo dek k

Puisi

Di Taman

Penulis : Kiki Sulistyo

taman masih menyimpan nama-nama yang semalam bertandang
sepasang remaja kasmaran, sepasang

Cagak Utama

Tari-Teater ”The Margin of Our Land” Alpa pada Aspek Transformabilitas

Penulis :

Panggung ditembak cahaya warna kekuningan membentuk motif petak seluas satu kali dua meter di kir

Kampus

Banyak Lansia Hipertensi dan Kolesterol

Penulis : Rises - Genta Andalas

Mahasiswa KKN Laksanakan Pemeriksaan Kesehatan Gratis

Mahasiswa Kul

Kampus

Lima Pejabat Baru Unand Dilantik

Penulis : Endrik

Rektor Universitas Andalas (Unand), Tafdil Husni resmi melantik Dekan Fakultas Pertanian, Dekan F

Remaja

Yusnitafili Harefa: Membaca Sumber Kebahagiaan

Penulis : Hijrah Adi Sukrial - Padang Ekspres

Sejak kecil, Yusnitafili Harefa sudah akrab dengan dunia literasi. Meski belum bisa mem

Remaja

Suatu Nanti

Penulis : Faula Ismi

Aku bukan matahari Yang memancarkan kilaunya di sudut negri ini Aku juga bukan purnama

Yang m