CAGAK - Lembaran Budaya Padang Ekspres - Abih_Rayo_Marantau_Lo_Ciek_Lu
Carito Minang Kini

Abih Rayo Marantau Lo Ciek Lu

Penulis : Ilham Yusardi   

”Siap rayo ko amuah nyo diputa haluan lai, Jim.”

“Diputa baa? Acok bana baputa-puta oleng biduak ko lai, Tan.”

Jimbrehe jo Tan Kereang sadang duduak di halaman sakolah inyo dulu. Mereka ko sadang ikuik acara reuni sakola. Banyak kawan-kawan lamo samo sakola nan tibo acara reuni tu. Kawan-kawan tu pulang marantau dek ari rayo. Tiok taun salapeh ari rayo acara reuni diadokan. Nan nampak dek Tan Kereang iduik kawan-kawan dari rantau banyak nan barubah. Banyak nan sejahtera, barasaki di rantau, sahinggo pulang ka kampuang katiko rayo ko balindak-lindak dek harato.Pakaian rancak bamerek, ameh sagadang rantai  sapeda malilik di lihia, hape di tangan nan paliang canggih alun ado urang mamakai lai. Turun dari oto mewah seri terbaru nan tantu sajo balinyo maha. Panuah jalan ka masuak sakola dek parkir oto rancak.

“Diputa padok ko amuah e lai. Alah panek denai iduik susah di kampuang ko.Kito pai pulo marantau co urang tu. Caliak la dek ang. Urang marantau banyak nan berhasil. Pulang kampuang urang balindak-lindak jo harato. Awak di kampuang ko juo sandek-sandek rasaki. Alah singkek tangkai cangkua dek dipalosohan, nan baju sahalai indak juo tabali. Ancak mode parantau ko lai ha, pulang sakali sataun untuk barayo sajo, pitih banyak ditumbinan barayo-rayo di kampuang.” Kecek Tan Kereang babisiak-bisiak, samantaro urang di pangguang muko sibuak bapidato mangenang-ngenang maso sikola daulu.

“E, Tan. Alun tantu pulo urang-urang nan pulang ko mandapek di rantau lai. Ado nan purak-purak kayo se katiko pulang kampuang ko. Pakai oto mewah tapi barental. Kaluang ameh rantai gadang, tapi nyatonyo ameh sapuah. Lagak-lagak sajo co urang sukses. Ado pulo, patang di lapangan, Si Tamburin alah kayo e kini, manyumbang ka masajik limo juta! Basorak an pakai mik katiko sumbayang rayo. Supayo disanjuang urang sakampuang,” Baleh Jimbrehe manyanggah.

Tangkereang indak picayo, “Baa kok mode itu kecek ang, Jim? Kan kawan-kawan kito tu kan bausaho di rantau. Banyak contoh, pai ka Jawa mangaleh kain di Tanahabang. Dari mangaleh di lapak kaki limo, kini alah sapuluah petak toko e. Pai ka Pakanbaru, mangaleh ampera di suduik toko urang, sudah tu batuka jadi restoran gadang.  Ka Borneo, ka Bugih, ka Papua. Ka ujuang langik se indak urang awak ko marantau. Mangaleh sala lauak se mandapek juo,” kato Tan Kereang  bajawek kato.

“Itu nan tampak lahia sajo dek ang tu mah, Tan Kereang. Ang jalang banalah ka rantau urang-urang tu. Adoh paho adoh kaki, bakarajo kareh mangko ka namuah rasaki. Ang sangko rasaki di rantau tu turun co ayie ujan se, tu batampuang jo baskom? Indak, Tan. Karajo dirantau bak cando ayam, turun pagi, mangakeh dulu mangko ka makan.” Tukuak Jimbrehe mambantang kaji.

“Jadi ang tagahan den pai marantau? Baa kok ang tagahan, Jimbrehe?” singkek tanyo Tan Kereang.

“Nak tu, bakaciak ati sakali se ang. Waden bukan managahan, Tan. Kok kapai marantau pai lah, tapi  pai tu jaan jo tangan kosong utak ampo sajo. Musti ado kapandaian nan bisa dipagunoan untuk bakureh di rantau. Jan beko tibo di rantau hilia-mudiak marancah labuah patang  jo pagi. Ondong ayia, ondong dadak. Marantau urang, marantau awak. Tanduak suok, sikuik kida. Berang urang ka awak. Jan ka barasaki , ujuang-ujuang jadi galandangan.” Pitaruah Jimbrehe kalua sakali.

“Kok baitu pituah ang, Dotor. Bialah den mulai lah marantau ko dari nan dakek se dulu.”

“Ka ma tu?”

“Balakang dapua!”

Langkan

Pakaian Perempuan Minangkabau

Penulis : Puti Reno Raudha Thaib - Ketua Umum Bundo Kanduang Sumbar

Adat Minangkabau dan ajaran Islam sampai saat ini sudah menyatu. Artinya, bicara tentang adat dan

Kampus

Jaket Almamater IAIN Dibagikan Lebih Cepat

Penulis : Suara Kampus

Unit Kegiatan Mahasiswa (UKM) Koperasi Mahasiswa (Kopma) bekerjasama dengan sebelas UKM selingkup

Ancaman Terjadinya Distorsi Kebudayaan Indonesia

Penulis : Distorsi pada mulanya dikenal sebagai sebuah istilah dalam dunia elektronik. Siaran yang ditangkap d
Konsultasi

Mekanisme Pembagian Harta Bersama di Pengadilan

Penulis : Miko Kamal, SH, LL.M, PhD

Bapak/Ibu pengasuh rubrik konsultasi hukum yang saya hormati. Enam bulan yang lalu Pengadilan

Hiburan

Dian Sastrowardoyo-Audy: Hidup tanpa Garam

Penulis : JPNN

Dian Sastrowardoyo dan Audy sama-sama sedang menjalani pola makan sehat. Mereka menghindari garam

Puisi

Aku Tahu Menuju Rumah

Penulis : Isbedy Stiawan ZS

karena malam aku tahu jalan menuju rumah. sebuah gerbang
lalu halaman tak seberapa, bungabu

Kampus

Luncurkan 50 Buku Karya Dosen

Penulis : Fitri - Ganto

Universitas Negeri Padang (UNP) bekerja sama dengan PT Prenada Media Group Jakarta luncurkan 50 b