CAGAK - Lembaran Budaya Padang Ekspres - Pulang_Basamo_Rirayo_Rang_Luak_Nan_Tuo
Carito Niniek Reno

Pulang Basamo Rirayo Rang Luak Nan Tuo

Penulis : Puti Reno Raudha Thaib - Ketua Umum Bundo Kanduang Sumbar   

Rirayo tahun ko yo sabana rami di kampuang, sahinggo jalan-jalan banyak nan sandek. Babagai plat oto nan ado di nagara awak ko ado baputa jo bajalan di kampuang awak. Sabana mariah, urang rantau baduyun-duyun pulang kampuang, ado nan pulang jo motor ado nan jo oto, ado pulo nan jo kapa tabang. 
Tradisi pulang basamo rami-rami ko hanyo ado di nagari awak ko, dunsanak-dunsanak awak nan dari rantau tu indak sakadar pulang malapehan taragak jo dunsanak-dunsanak nan tingga dikampuang, tapi ado pulo niek jo tujuan untuak mambangun kampuang basamo-samo. Acara pulang basamo nan sakali ko iyo agak balain jo pulang basamo pado taun-taun sabalun ko. Taun ko pulang basamo tu bagabuang antaro urang rantau sa Nusantara antaro lain dari Aceh, Medan, Kepri, Riau, Jambi, Bengkulu, Jabotetabek, Jabar, Jawa Tengah, Bali, sarato Kupang, rombongan urang rantau ko disambuik dek pak bupati jo masyarakaik Luak Nan Tuo jo caro adat awak panuah jo kakaluargaan.

“Urang awak ko sangaik suko pulang kampuang?. yo Niek”. Aisyah batanyo ka Niek Reno diiyoan pulo dek Puti jo Fathir.

“Iyo itulah dek kalian salah satu kaunikan urang awak, kabara jauh nyo pai marantau nan kampuang indak panah dilupokannyo dek karano ikatan batinnyo jo kampuang sangaik arek. Akibaiknyo anyo baniek untuak pulang kampuang, paliang indak sakali sataun, tarutamo saat rirayo Idul Fitriko. Baa areknyo ikatan urang Minangkabau tu jo kampuangnyo banyak, mamangan adat jo papatah mangatoan: Satinggi-tinggi tabang bangau, balieknyo ka kubangan juo. Karatau madang daulu, babuah babungo balun, marantau bujang daulu di rumah paguno balun “. Nan bisa manggandiang urang Minangkabau ko jo marantau adolah urang Cino. Mako dalam parantauan tu ado nan disabuik jo marantau Cino. Dima-dima di dunia ko ado urang Minangkabau marantau. Anyo salalu ingek jo kampuangnyo”. Niek Reno mancaritoan ka cucunyo baa urang awak tu marantau.

“Apo mukasuiknyo marantau Cino tu Niek?. Puti batanyo ka Ninieknyo.

“Aratinyo urang nan marantau lah manjadi panduduak tatap atau manatap di parantauan tu, nyo lah jarang bahkan ado nan indak pulang-pulang lai, tapi nan kirimannyo lai ado. Disampiang itu ado pulo nan disabuik jo marantau pipik. Mukasuiknyo inyo maninggaan kampuang sabanta-sabanta, bantuak buruang pipik jo sarangnyo. Niek Reno manjalehan tantang marantau nyo urang awak.

“Oh baitu yo Niek”. Aisyah maiyoan apo nan dikecekan Niek Reno.

“Kapatang Niniek pai manghadiri acara jo dunsanak-dunsanak nan pulang dari rantau tu. Sangaik sanang hati Niniek mancaliek baa kaakraban urang rantau jo urang nan di kampuang. Bacarito jo babincang tantang baa awak basamo-samo mambangun kampuang awak dalam sagalo bidang. Urang rantau mambao pitinyo pulang untuak mambangun kampuangnyo sarato mambuka paluang untuak bakarajo ka anak kamanakan awak, sakaligus mamparancak kampuang awak. Niniek badoa samoga sagalo nan dibincang jo nan dirancanakan tu dimudahkan jalannyo dek Allah SWT. Amin.

“Nampak dek Aisyah Niek, jo pulangnyo urang rantau juo mampangaruhi pandapetan urang kampuang dek karano urang rantau banyak pulo nan mambali oleh-oleh untuak dibao ka rantau. Sudah tu wang parkir kandaraan nan datang dari rantau ditampek objek wisata nan dilunjungi juo banyak”. Aisyah mangamukoan pandangannyo.

“Iyo Aisyah, Niniek dapek kaba dari etek Eti nan bakarajo di Istano Basa salamo lebaran ko urang nan mamakai pakaian adat untuak bakodak hampie saribu urang satiok arinyo. Iyo bana manggarik ekonomi rakyaik di kampuang awak. Tapi ado pulo masalah nan paralu dicarian jalannyo tantangan jalur lalulinteh kandaraan nan sangaik banyak tu, sahinggo banyak jalan nan tasumbek. Harapan awak mudah-mudahan dari taun ka taun akan samakin rancak jo elok amin”. (*) 

 

Konsultasi

Kelainan Cairan Otak dan Air Ketuban Janin

Penulis : Dr. Dovy Djanas, Sp.OG (K-FM)

Halo dokter Dovy. Saat ini saya sedang hamil memasuki bulan kelima. Saya baru siap melakukan

Gita Fantasi

Penulis : Oleh: Riki Fernando Sekuntum kidung merebak asa di beranda batin Gelombangnya mesra, duhai maula
Anggun

Power of The Crown

Penulis : Redaksi

Berkembang pesatnya dunia pageant di Sumbar menginspirasi Berry Mirsha, designer yang tergabung d

Ceria

Sinar Cahaya

Penulis : Mega Okta Enggalani

Menyapa fajar pagi hari di Bumi Bagonjong ini sudah biasa dia lakukan setiap paginya. Lain h

Hiburan

Agnez Mo: Luncurkan Aplikasi Mobile Bersama EscapeX

Penulis : JPNN

Penyanyi multitalenta, Agnes Monica atau yang akrab disapa dengan Agnez Mo tetap berkibar. Agnes

Cagak Utama

Antara Idul Fitri dan Maaf Lahir Bathin

Penulis : Yona Primadesi

Berbagai ucapan dikirimkan dan dihaturkan bagi kerabat dan tetangga sekaitan Hari Raya Idul Fitri

Hiburan

Ashanty: Dibully Gara-gara Status

Penulis : JPNN

Ashanty di-bully netizen. Penyebabnya karena caption foto yang dia unggah dalam akun Instagram-ny